Update 30.05.2018:
Mit da DSGVO hob i a de Datenschutzerklärung iwaoiwat und veröffentlich.
Za da Seitn söm kau i leider derweil nix neichs sogn. I hob leider z'weng Zeit, dass i's pfleg. A wegn den, wei i do koa Göd moch, owa Göd brauch und va do her schaun muass, dass i Sochchn moch, da a a Göd eibringan.
Schod, is owa dereil amoi aso. Hoff', dass si des amoi ändert, grundsätzlic liegt ma guade Mundoart-Musik nämli noch wia vor sehr am Herzen.
-------------------------------------------------------------------------------------------------------------------------------------------------------------
Moderne Mundoart-Musi, mit bodenständige Mundoart-Text - des is wos, wos in der heidigen Musik-Laondschoft de meisten Leid leider gaonz weng Leid kennan und megn.
Fost 4 Joahr nochdem ma de Idee kemma is, wor's ollerhekste Zeid, das i de Idee a endli umsetz und fia de großoartige Musik-Richtung, des de meisten Leid no goar ned kennan, a eigans Internet-Portal mocha.
Leider hob i vü z'vü z'toa und brauchat 4 Händ oder an Tog mit 48 Stund, damit i des oiso mocha kunnt, wos i gern mocha tat. Owa jiatzt woas wirkli oller hechste Eisenbauhn, dass i amoi mit dem Mundart-Musik-Portal aofaong.
"Liewer a kloas Portal jiatzt mocha, ois wia a gressers Portal vielleicht irgenwaon" how i ma denkt.
Fia'n Aofaong messn amoi den Naumen der Gruppen, a Kurzbeschreibung und a Link za eanerer Webseitn gnua sei.
Kloar is owa a, dass i no vü mehr mocha wü, va aner detaillierte Vorstellung va jedem Künstler, iwa Kritik za eanerer Musi bis hi za an Veraunstoitungskalender, Konzert-Berichte und no mehr.
Mei gross' Vorbüd is de Mundoart-Ageh aus Bayern http://www.mundartageh.de.
Schau ma amoi, wos si ois dergeht, wos i ois dablosn kao - mein Programm ist a noch dem Universtitätslehrgaung, den i im Juni 2010 oschliassn werd, jo an ned groad kloa.
I hoff, dass eing des Seitn taugt, dass a neiche, interessante Musik kenna lernts und hoff, dass i aso a vüle Leid kenna lerna werd, denen genauso wia mir moderne Musik in aner "richtigen" Mundoart taugt.
Ulrich Lintl (es sogt owa fost a jeda, der mi kennt "Uli" za mir)